Бүгін музейде ҚР Мәдениет және ақпарат министрлігінің Архив, құжаттама және кітап ісі комитетінің «Қазақстан Жазушылар Одағы» республикалық қоғамдық бірлестігінің қолдауымен көрнекті жазушы, этнограф, баспагер Зейнолла Сәніктің 90 жылдығына арналған «Ұлттық құндылық. Қазақ этнографиясы және жазушы, этнограф Зейнолла Сәнік» республикалық экспедицияның құрамымен дөңгелек үстел өтті.
Дөңгелек үстел барысында Атырау облысы Мәдениет және тілдерді дамыту басқармасының басшысы Ә.Жоламанов Мемлекет басшысы Қасым-Жомарт Тоқаевтың IV Ұлттық Құрылтайдағы тапсырмаларына сәйкес қазақ этнографиясын дамыту бағытында сөз қозғады. Атырау облыстық тарихи-өлкетану музейінің басшысы М.Кипиев Атырау облысындағы музей ісі, оның ішінде музейдің археология, ғылыми-экспедициялық зерттеулер, архив ісі, ономастика саласы бойынша атқарылған жұмыстармен таныстырды.
Республикалық экспедицияны бастап келген Қазақстанның еңбек сіңірген қайраткері, Қазақстан Жазушылар Одағы төрағасының орынбасары Қ.Бегманов экспедицияның мақсат-мүддесімен таныстырып, экспедиция мүшелері тарих ғылымдарының докторы, этнограф-ғалым А.Тоқтабай, Қазақстан Жазушылар Одағы төрағасының кеңесшісі, Мәжіліс Қоғамдық палатасының мүшесі, қоғам қайраткері, журналист Ә.Қосан З.Сәніктің ғылыми еңбектері мен қазақ этнографиясының тереңдігіне тоқталды. Зейнолла Сәнік атындағы мәдениет қорының құрылтайшысы Қ. Зейноллаұлы және қордың атқарушы директоры С.Қалиев қор жұмысына тоқталып, қатысушыларға Қазақ этнографиясы жинағын сыйға тартты.
Отырыс барысында «Қазақстан Жазушылар Одағы» республикалық қоғамдық бірлестігінің мүшелігіне Атыраулық талантты ақын-жазушылар Қ.Ғұмаров, Н.Құспанғали, А.Кемалиева, А.Шығыров одаққа мүшелікке қабылданды.
