Президент өз Жолдауында «Әділетті Қазақстан: заң мен тәртіп, экономикалық өсу, қоғамдық оптимизм» атты тақырыппен азаматтардың қауіпсіздігі мен мемлекеттік институттарға деген сенім әрқашан бірінші орында тұруы тиіс екенін орынды атап өтті. «Заң мен тәртіп» қағидаты – жай ғана ұран емес, әрқайсымыздың тыныш әрі сенімді өміріміздің нақты іргетасы.
Бүгінде осы саясаттың дәйекті түрде жүзеге асырылып жатқанын көреміз. Қылмыстың алдын алу шаралары күшейтіліп, цифрлық технологиялар енгізілуде, заңнамалар жаңартылуда және мемлекет пен қоғам арасындағы әріптестік нығайып келеді. Мұның барлығы қазақстандықтардың өзін анағұрлым қауіпсіз сезінуіне мүмкіндік беруде.
Ең қуантатыны – полиция қызметкерлері мен Ұлттық ұлан сарбаздары көшелерді патрульдеумен шектелмей, нақты нәтижелерге қол жеткізіп отыр. Құқықбұзушылықтардың азаюы, мыңдаған қылмыстың ашылуы және миллиондаған әкімшілік құқықбұзушылықтың жолы кесілуі – жұмыстың тиімділігінің айқын дәлелі. Бейнебақылау камераларының орнатылуы және «102» мобильді қосымшасы мен «Заң мен тәртіп» платформасының іске қосылуы әрбір азаматқа бар болғаны бір батырманы басып-ақ көмекке жүгінуге мүмкіндік береді. Бұл – ашықтыққа және құқық қорғау органдарымен жедел өзара іс-қимылға жасалған үлкен қадам.
Ең маңызды бағыттардың бірі – отбасыларды және осал азаматтарды қорғау. Тұрмыстық зорлық-зомбылықпен күрес басқармасының құрылуы мен жәбірленушілерді жедел қорғауға мүмкіндік беретін жаңа заңдар мемлекеттің әділдіктің қорғаны екенін көрсетеді. Мыңдаған әйелдер мен балалар нақты көмек алды, бұл Қазақстанның дұрыс бағытта келе жатқанын айқын дәлелдейді.
Сондай-ақ заманауи қатерлер – интернет-алаяқтық пен есірткі бизнесіне қарсы күрес те өзекті. Жаңа қорғаныс тетіктері, қылмыс ұйымдастырушыларына қатаң жаза, сондай-ақ вейп айналымына қылмыстық жауапкершіліктің енгізілуі – мемлекеттің ұлт болашағы мен жастардың денсаулығына қамқорлық жасайтынын дәлелдейді.
Маңызды қадамдардың тағы бірі – жолдағы тәртіпті заңнамалық реттеу. Мопедтердің міндетті түрде тіркелуі және жылдамдықты бақылау барлық жол қозғалысына қатысушылардың қауіпсіздігіне бағытталған.
Президент айқын атап өткендей, мемлекеттің міндеті – тек сын-қатерлерге жауап беру ғана емес, сонымен қатар заң мен тәртіп өмірдің нормасына айналатын орта қалыптастыру. Біз алғашқы нәтижелерін қазірдің өзінде көріп отырмыз. Қазақстан сенімді түрде алға жылжып, азаматтардың сенімін нығайтып, тұрақтылықты орнықтырып, елдің болашақ дамуына берік іргетас қалап келеді.
Михаил Щадилов,
Атырау облыстық АНК еврей ЭКО «Алия» төрағасы
Фото: AtyrauPress
