Табиғаттың баға жетпес байлығының бірі – орманды өрттен қорғаудың маңызы зор.
Орманды қорғау мен күзету, орман өрттерінің алдын-алу, ондағы ағаштардың заңсыз кесілуіне және ҚР басқа да орман заңдарын бұзушыларға қарсы күрес жөніндегі іс-шараларды жүзеге асыру, сондай-ақ орман аурулары мен зиянкестерінен, табиғи сипаттағы қолайсыз факторлардан қорғау басты міндеттеріміздің бірі.
Орман шаруашылығының жұмысында өрт қауіпсіздігі өте маңызды орын алады. Әдетте, орман өртіне абайсыз жағылған от, сөнбей қалған шоқ, кейде найзағай себепші болып жатады. Орман өрті көбінесе құрғақшылық жылдары, ерте көктемде және күзде болады. Оның негізгі себебі ауылшаруашылығы қалдықтарын өртеген кезде қауіпсіздік талаптарының бұзылуынан туындайды. Өрт ағаш қорын кемітуімен қатар, оның өсуіне үлкен кесірін тигізеді.
Осы орайда әрбір адам қоршаған ортаны қорғауға, орман өртін болдырмауға өз үлесін қосса дейміз.
Табиғаттың бізге берер сыйы мол екенін ұмытпайық.
А.Асқаров,
«Махамбет орман және жануарлар дүниесін қорғау жөніндегі мекеме»
КММ-нің орман шебері
Сурет:дереккөз
