МАХАМБЕТ АУДАНЫНДА ВОЛЕЙБОЛДАН 2012-2013 ЖЫЛЫ ТУҒАН ЖАСӨСПІРІМ ҚЫЗДАР АРАСЫНДАҒЫ АТЫРАУ ОБЛЫСЫНЫҢ КӨКТЕМГІ ІРІКТЕУ ЧЕМПИОНАТЫ ӨТТІ. ЕКІ КҮНГЕ СОЗЫЛҒАН ТАРТЫСТЫ ДОДАДА ОҚ БОЙЫ ОЗЫҚ БОЛҒАН «МАХАМБЕТ БЖСМ» КОМАНДАСЫ ЧЕМПИОН АТАНДЫ.
Енді жерлестеріміз Түркістан қаласында өтетін Қазақстан чемпионатында Атырау облысының намысын қорғайтын болады. Айта кетейік, 2012-2013 жылы туған қыздардан құралған команда үш дүркін облыс чемпионы атанды.
Сонымен қатар Дәурен Әменов жаттықтыратын волейболшылар 2013-2014 жылы туған қыздар арасында «БЖСМ №5» кубогіне қатысып, екінші орынға ие болды. Аталған жарыстың «Үздік ойыншысы» атағына Ясина Қажымова лайық деп танылды. Кейін аудандық БЖСМ директоры Аслан Дүйсембай волейбол бөлімінің жаттықтырушысы Д.Маратұлын қабылдап, жүлделі орындарымен құттықтады.
Қ.АЙТҚАЛИЕВ
