Махамбеттік азамат 7 жылға көлік басқару құқығынан айырылып, 20 тәулікке қамалды

Жол-көлік оқиғасын жасап, 20 тәулікке қамалып, 7 жылға көлік басқару құқығынан айырылды.

Атырау облысының Махамбет аудандық соты баспасөз қызметінің мәліметінше, 2020 жылғы 20 қаңтар күні 18 сағат 40 минут шамасында құқық бұзушы К.С. маркасы Lada көлік құралын Атырау-Орал тас жолының 24 шақырым тұсында алкогольдік масаң күйде басқарып, жолдың қарсы бағытына шығып, өз бағытымен келе жатырған маркасы «Лада-Ларгус» автокөлігіне соқтығысып, жол-көлік оқиғасын жасаған.

Нәтижесінде «Лада-Ларгус» автокөлігінде болған жолаушы Ж.А. «жеңіл» түрдегі дене жарақатын алған және материалдық зиян келтірілген. Қазақстан Республикасының ӘҚБтК-нің 608-бабының 3-бөлігімен азамат К.С-ға қатысты әкімшілік іс қаралды.

Сот отырысында «TrueConf» байланысы арқылы түсінік берген К.С. кінәсін мойындап, жасаған құқық бұзушылық әрекетіне өкінетіндігін айтып, 2020 жылдың 16 наурыздағы дәрігердің анықтамасы негізінде құқық бұзушы К.С. дене жарақаттарының салдарынан төсек тартып ауырып жатырғаны көрсетілген.

Сот қаулысымен К.С. Қазақстан Республикасының ӘҚБтК- нің 608-бабының 3-бөлігінде көзделген әкімшілік құқық бұзушылық жасағаны үшін кінәлі деп танылып, оған 20 тәулікке әкімшілік қамаққа алуға және 7 жыл мерзімге көлік басқару құқығынан айыру әкімшілік жазасы тағайындалды.

Әкімшілік қамаққа алу мерзімі құқық бұзушы К.С.-ның науқастануына байланысты заңда белгіленген мерзімдерде орындалуы мүмкін болмаған мән-жайлар қалпына келтірілгеннен бастап есептелді.

Өз тілшіміз

Сурет: дереккөз

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика