«2025 жыл — Жұмысшы мамандықтарының жылы» деп жариялануы қоғамның жаңа саналық сатыға аяқ басқанын білдіреді. Өйткені қаншама жылдан бері көзге көп көрінбей жүрген еңбек адамдарының еңбегі енді әділ бағаланып отыр. Қоғамды тек ақылды идеялар емес, сол идеяны іске асыратын нақты қол мен қажырлы еңбек алға сүйрейді.
Жұмысшы мамандықтары — ел экономикасының діңгегі, тынысы. Мысалы, электр болмаса — жарық болмайды, құрылысшы жұмыс істемесе — баспана салынбайды. Сол секілді әр мамандық иелерінің қоғам үшін алар орны ерекше деп санаймын. Бұл жыл олардың мәртебесін өсіріп, жаңа буынды нақты кәсіпке бейімдеуге алтын мүмкіндік болмақ.
Бізге енді жұмысшы мамандықтарын насихаттау ғана емес, оны заманауи, беделді, табысты сала ретінде көрсету қажет. Себебі келешек технология мен индустрия дәуірінде — нағыз шеберлердің заманы келеді. Бұл жыл — кәсіптік білімге бетбұрыс, жас ұрпаққа бағыт, ұлттық дамуға серпін.
Жазира САҚТАЕВА,
тәрбиеші
