Мемлекеттік қызмет саласындағы заңнама талаптарына бірқатар өзерістер енгізілген.
Атап айтсақ, «Б» корпусы қызметшісінің бағаланатын кезеңде екі тоқсан қатарынан қанағаттанарлықсыз бағаланған жағдайда төменгі лауазымға, ал мемлекеттік қызметші қатарынан төрт тоқсан «функционалдық міндеттерді тиімді орындайды» болған кезде келесі жоғары тұрған санаттағы лауазымға конкурстан тыс ауысу тәртібімен орналасуға мүмкіндік берілді.
Өз кезегінде, бағалау бойынша енгізілген жаңашылдықтарға сәйкес алғаш рет Атырау қаласы Ішкі саясат бөлімінің қоғамдық-саяси ахуалды талдау және үкіметтік емес ұйымдармен жұмыс секторының меңгерушісі — Утегалиев Нұрбол Нұғманұлы бағалау қорытындысы негізінде конкурстан тыс ауысу тәртібімен Атырау қаласы Ішкі саясат бөлімінің басшысы лауазымына тағайындалды.
Меритократия кағидаты негізінде басшылық лауазымға тағайындалған мемлекеттік қызметшіге ел игілігі жолындағы қызметіне сәттілік пен табыс тілейміз!
