"Бұл туралы брифинг барысында Атырау облысының кәмелетке толмағандардың істері жөніндегі мамандандырылған ауданаралық сотының төрайымы Айгүл Тәшенова мәлімдеді", - деп хабарлайды Атырау облысының өңірлік коммуникациялар қызметі.

"2021 жылы Атырау облысының кәмелетке толмағандардың істері жөніндегі мамандандырылған ауданаралық сотына азаматтық істер бойынша 415 өтініш келіп түсті. Бұл бағыттағы өтініштер санының өсуі байқалады. Ең көп таралған талап арыздар қатарында, алимент мөлшерін азайту туралы өтініш, сондай - ақ, ажырасқаннан кейін балалармен қарым-қатынасты анықтау, әке болуды анықтау, ата-ана құқықтарын қалпына келтіру туралы өтініштер бар", - деді Айгүл Тәшенова.