Атырауда екі отбасыға баспана сертификаты берілді

Атырауға арнайы келген "Asarume" қайырымдылық қоры екі отбасыға тегін үйдің сертификатын табыстады, деп хабарлайды Атырау облысы Өңірлік коммуникациялар қызметі.

Сертификаттарды табыстау шарасы Махамбет атындағы академиялық қазақ драма театрында өтті.

Онда бірнеше жылдан бері жалдалмалы пәтерде тұрып келген көпбалалы екі отбасы жаңа қоныс иеcі атанды. Сондай-ақ, үш тұрғынға 500 000 теңге және өзге де жағдайы төмен отбасыларға жергілікті кәсіпкерлердің демеушілігімен тұрмыстық техникалар сыйға берілді.

Экология, геология және табиғи ресурстар вице-министрі Зульфия Сүлейменова:

"Дана халқымызда «жұмыла көтерген жүк жеңіл» деген нақыл бар. Сондай-ақ, бізде «асар» деген ұғым бар. Яғни, бұл – адамдарға жәрдемдесу, қолқабыс беру ғана емес, мұқтаж адамдарға көмек қолын созу, адамгершілік таныту, қайырымдылық көрсету болып табылады. Міне, қазір сол адамгершілік пен қайырымдылықтың куәсі болып отырмыз".

Айта кетейік, "Asarume" қайырымдылық қоры Республика бойынша бүгінгі күнге дейін 460-тан астам отбасыға баспана сыйлаған.

Ал, Атырау облысында 11 отбасы жаңа қонысын тойлап үлгерді. Қазіргі таңда "Asarume" қайырымдылық қорында 500-ге жуық ерікті бар. «Асар жолы» марафоны 16 шілдеде еліміздің бас қаласынан бастау алған болатын.

РЕСПУБЛИКА КҮНІ

2

Фотогалерея

Сұрақ Жауап

Жайық суын молайту үшін не істеу керек?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика