Жақында ғана мүфтияттың “Ел үлесі – пәтерге” жобасы аясында Атырауда баспаналы болған Айна Китуева есімді алты балалы ана жұртшылыққа алғысын айтып, ерекше жүрек толқуын жеткізді.
Бұл туралы Атырау облыстық орталық “Иманғали” мешітінің баспасөз-қызметі хабарлайды. amin.kz
Атырау облысының орталық “Иманғали” мешітімен бірге, жергілікті өнер адамдары, қарапайым халықтың атсалысуымен баспана бақытына қол жеткізген алты балалы ана барша халыққа ерекше ризашылығын айтты.
2004 жылдан бері пәтер жалдап, баспана тауқыметін тартып келе жатқан ана талай ауыр сынақтарды бастан өткерсе де, жақсылықтан үміт үзбегенін айтады.
Еске сала кетелік, жуырда ғана Атырауда “Ел үлесі – пәтерге” жобасы аясында сегізінші үй тапсырылған еді.
«Жайық-Ақпарат»
