Полиомиелит – бұл церебральды сал ауруы немесе жұлынның сал ауруы. Жұлынның зақымдануына байланысты болатын жоғары жұқпалы ауру.

Көбінесе полиомиелитпен 5 жасқа дейінгі балалар, кейде ере­сектер де ауырады. Полиомиелит емделмейді, бірақ оны болдырмаудың жолы – вакцина. Қазақстандағы профилактикалық екпелердің ұлттық күнтізбесіне сәйкес, вакцинация курсы 2 айдан бастап, содан кейін 3 және 4 айдан басталады. 1 жа­сында иммунитетті сақтау үшін ре­вакцинация жүргізіледі (оральді полиомиелитті вакцина - ауызға та­мызылады).

Қазіргі уақытта полиомиелиттің тұрақты ошақтары әлемнің үш елінде ғана сақталады: Ауғанстан, Пәкістан және Нигерия. Сонымен қатар, по­лиомиелит вирусын әкелу және оның басқа елдерде, ең алдымен, осы ин­фекциядан қорғалмаған балалар үшін таралу қаупі бар.

Алдын алу шараларына тоқталсақ, жеке гигиена ережелерін сақтау, кепілдендірілген сапа мен өнеркәсіптік өндіріс өнімдері қолданылатын жерде ғана тамақтану, термиялық өңдеуден өтпеген немесе көше саудасы орындарында сатып алынған өнімдерді тамаққа пайда­ланбау, жаңа піскен көкөністер мен жемістерді, кептірілген жемістер мен көкөністерді, әсіресе базарлар­дан сатып алынғандарды тұтынар алдында ағынды сумен мұқият жуып, содан кейін қайнатылған не­месе бөтелкедегі сумен шаю ке­рек. Ішуге тек қайнатылған суды не­месе бөтелкедегі суды, өнеркәсіптік өндірістің сусындары мен шырында­рын пайдаланған жөн. Тек бассейн­дерде немесе шомылуға бөлінген су айдындарында ғана шомылу керек.

Ата-аналардың назарына! Егер балада аяқтың тірегінің төмендеуі, жүріс-тұрыстың бұзылуы туралы шағымдар болса (жиі сүрініп, “аяғын тартады”, “ұрады”), оны невропа­толог маманына дереу көрсетіңіз. Дәрігерге уақтылы бару – емді дер кезінде алып, тез сауығудың кепілі.