Өңірде Covid-19 індетінен айығып шыққандардың саны 233 адамға жетті, деп хабарлайды Жедел штаб.
Атырау облысында коронавирус инфекциясынан тағы 7 адам айығып шыққан. Жедел штабтың мәліметіне сәйкес, олардың барлығы - Теңіз кенішінде жұмыс істейтін ер адамдар.
- Қазіргі уақытта емделіп шыққандардың жағдайы қалыпты, өздерін жақсы сезінеді. Коронавирустың бар-жоғын анықтау үшін жасалған соңғы тест теріс көрсеткіш көрсетті, - дейді жедел штаб.
Осылайша, Атырау облысында коронавирустан жазылып шыққандар саны 233-ге жетіп отыр. Оның ішінде 156-ы – Теңіз кенішінің жұмысшылары.
