Өткен тәулікте Атырау облысында 7 адамнан коронавирус індеті ПТР арқылы расталып,ауырғаны белгілі болды, - деп хабарлайды Атырау облыстық денсаулық сақтау басқармасының баспасөз қызметі.
Қауіпті дертке шалдыққандар Атырау қаласынан, Теңіз кенішінен,Индер және Махамбет аудандарынан тіркелген. Коронавирус жұқпасымен науқастанған бір адамда ауру симптомды, қалғанында симптомсыз түрде өтуде.
Сондай-ақ, өткен тәулікте инфекциялық стационарда ем алып жатқан 4 адам коронавирус инфекциясынан жазылып шықты.
Айта кетейік, қазіргі уақытта 73 адам үй жағдайында емделуде. Ал, №2 Атырау облыстық жұқпалы аурулар ауруханасында 31 науқас, Теңіз кенішінің инфекциялық стационарында 8 адам ем қабылдауда.
Сурет:дереккөз
