Өңірде халықты covid-19-ға қарсы жаппай вакциналау жалғасуда, деп хабарлайды Атырау облысы Денсаулық сақтау басқармасының баспасөз қызметі.

27 сәуірдегі деректер бойынша 2 492 жергілікті тұрғын "Спутник V" және "QAZVAC" вакциналарының I компонентін алды. Оның ішінде, 100 медицина қызметкері, 141 педагог, 57 полиция қызметкері, 30 студент, 6 жабық әлеуметтік мекеме қызметкері, 11 құқық қорғау органдарының қызметкері, 70 мемлекеттік қызметші, 21 созылмалы аурумен ауыратын адам және 1 756 жергілікті тұрғын бар.

2021 жылғы 1 ақпан мен 27 сәуір аралығында "Спутник V" және "QAZVAC" вакциналарының I компонентімен 20 228, II компонентпен 5 304 адам егілді.

Естеріңізге сала кетейік, Атырау облысының әрбір тұрғыны коронавирус инфекциясына қарсы өз еркімен екпе ала алады. Ол үшін тіркелген жері бойынша емханаға өтінішпен баруы қажет. 2021 жылдың 1 ақпанынан бастап аймаққа "Спутник V" вакцинасының 38 200 және "QAZVAC"вакцинасының 2 000 дозасы жеткізілді.

Сурет:дереккөз