Атыраудағы вирусқа шалдыққан алтыншы адамның студент екені анықталды. “Алматы-Атырау” рейсінің жолаушысынан коронавирустық инфекция расталды деп хабарлайды Атырау облысының Өңірлік коммуникациялар қызметі.
Індет жұқтырған науқас 17 наурызда Алматы қаласының рейсінен түскен. Сондай-ақ, оның 20 жастағы студент екендігі белгілі болды.
Студент жігіт карантинге оқшауланып, екінші облыстық ауруханаға жатқызылды.
Бұған дейін Атырау облысында коронавирустық инфекцияның бес жағдайы тіркелген болатын. Қазіргі уақытта барлық науқастар екінші облыстық ауруханада емделуде.
Өңірлік коммуникациялар қызметі
Сурет:дереккөз
