Бұл туралы Атырау облысының әкімі Махамбет Досмұхамбетов Атырау облысының 2020 жылғы әлеуметтік – экономикалық дамуының қортындылары мен 2021 жылға арналған міндеттер туралы баяндамасында мәлімдеді.
- Коронавирус инфекциясы денсаулық сақтау саласына өз әсерін тигізіп, саланың проблемалық тұстарын да көрсетті. Облыста осы індетпен 16 736 адам сырқаттанып, олардың 16 117 жазылып шықты. Өкінішке орай, 128 жерлесіміз инфекциядан көз жұмды. Сонымен қатар, індетпен күресу бойынша ауқымды шаралар атқарылды, - деді Махамбет Досмұхамбетов.
