Қазіргі таңда өңірде өткір тұрған проблеманың бірі – медицина кадрларына тапшылық.
Бұл туралы Атырау облысының әкімі Махамбет Досмұхамбетов мәлім етті, деп хабарлайды Атырау облыстық коммуникациялар қызметі.
Оның айтуынша, қазір өңірде өткір тұрған проблеманың бірі – медицина кадрларына тапшылық.
«Атырау облысында жалпы тәжірибелік дәрігерлер, анестезиолог-реаниматолог, акушер-гинеколог, инфекционист және эпидемиолог сынды 278 маман жетіспейді. Қазіргі уақытта аталған мәселені шешу үшін бірқатар жұмыстар жүзеге асуда. Нақтырақ айтқанда, Ресейден Атырау өңіріне мамандар тарту жағын қарастырып жатырмыз. Сонымен қатар, биыл оқу бітіретін жас мамандарды өңірге тарту үшін жұмыстар атқарылуда», - деді облыс әкімі Махамбет Досмұхамбетов тікелей эфирде өткен брифингте.
Сурет: дереккөз
