Жалғансайда мұғалімдер үшін National Geographic журналының ресурстарын пайдалануды үйрететін семинар-тренинг өтті

Қазанның 26-сы және 27-сі күні Атырау қаласында және Атырау облысының Махамбет ауданында  география, биология, жаратылыстану пәні мұғалімдері мен орта мектеп оқушылары үшін арнаулы семинар-трингтер өтті.

Семинарлар Президент Қасым-Жомарт Тоқаевтың тапсырмасымен қолға алынған «Оқуға құштар мектеп» мемлекеттік жобасы аясында өскелең ұрпақтың бойында ғылымға деген қызығушылықты арттыру және  «Каспий құбыр консорциумы» АҚ (КТК-К) мен «KAZMEDIA HOLDING» компаниясының бірлескен қайырымдылық мақсаттағы «Қызықты ғылым» атты ағартушылық жобасын жүзеге асыру үшін ұйымдастырылып отыр.

«Қызықты ғылым» жобасы оқушылардың білім сапасын көтеруге бағытталған. Семинарлар барысында мұғалімдерге әлемдік сападағы ғылыми ресурстар мен контенттерді, соның ішінде 134 жылдық тарихы бар, география, жаратылыстану ғылымдарынан бастап, ғарышты игеруге дейінгі салаларда көпжылдық халықаралық ғылыми-зерттеулер мен фото-бейне деректердің бай қорын қалыптастырған National Geographic журналының ресурстарын тиімді қолдану әдістері таныстырылады.

Жоба екі мақсатты көздейді.

Біріншісі – қоғамда ғылымға деген қызығушылықты, ынта-ықыласты арттыру. Соған орай, мектеп мұғалімдері мен оқушыларына арнайы тақырыптық семинарлар өткізіледі. Тренерлер семинарда әлемдік ғылыми-ресурстарды сабақ барысында қалай қолдануға, оқушыларды қалай қызықтыруға болатынын, осы ресурстарды ғылыми жобаларға қалай дұрыс пайдалану керектігін жан-жақты түсіндіреді.

Жобаның екінші мақсаты – әлемдік деңгейдегі сапалы ғылыми контенттердің қазақ тіліндегі қолжетімділігін кеңейту. Бұл ретте КТК-К 2018 жылдан бері облыстың барлық мектеп кітапханаларының National Geographic журналына жылдық тегін жазылымын қамтамасыз етіп отыр.

РЕСПУБЛИКА КҮНІ

2

Фотогалерея

Сұрақ Жауап

Жайық суын молайту үшін не істеу керек?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика