Махамбет ауданында Ұлттық бірыңғай тестілеу 21-24 маусым күндері аралығында өтеді, оған 238 түлек қатысады.
ҰБТ өткізу процедурасы елдегі ахуалға сай алгоритм бойынша 4 күнге созылмақ.
Е.Ағелеуов атындағы орта мектеп нысаны тестілеу өткізуге санитарлық-эпидемиологиялық талаптарға сай толықтай жасақталған. Биылғы тестілеудің ерекшелігі: калькулятор пайдалануға рұқсат етіледі, әр аудиторияда 9 тапсырушыдан артық адам кіргізілмейді. Және ата-аналар тестілеу пунктіне келмейді, олар үйден бейне байланыс арқылы бақылай алады.⠀
Айта кету керек, Алмалы мектебінің бітірушілері де Махамбет ауданында орналасқан тестілеу пунктінде сынақ тапсырады.
Түлектердің ҰБТ тапсыру кезеңдері: 21 маусым күні Е.Ағелеуов атындағы және Талдыкөл орта мектептерінде өтіп, оған 57 түлек қатысады.
22 маусымда Қосарал, Қ.Қарашаұлы атындағы, Ақтоғай, А.Байтұрсынұлы атындағы, Есбол мектептерінде 62 түлек, 23 маусым күні Алмалы, Қ.Ахмедьяров атындағы, Алға, Қызылүй орта мектептері өтеді.Оған 58 түлек, ал 24 маусым күні Қ.Қалыбеков атындағы, О.Шонаев атындағы, Д.Төленов атындағы, Жалғансай орта мектептерінде өтетін тестіге 61 түлек қатысады.
Сурет:дереккөз
