Атырау облысы Білім беру басқармасының Әдістемелік орталығының ұйымдастыруымен ұлы ағартушы-педагог Ы.Алтынсариннің 180 жылдығына орай шығармаларын педагогтар арасында кеңінен насихаттау, қазақ тілі мен әдебиеті пәні мұғалімдерінің пәнді оқытуда құзыреттіліктерін қалыптастыру және бағалау мақсатында облыстық «Дала қоңырауы» олимпиадасы онлайн режимінде өткізілді.
Олимпиада эссе жазу, тест және Ы.Алтынсарин шығармаларынан сұрақтарға жауап беру секілді ІІІ кезеңнен тұрды. Олимпиадаға қала, аудан мектептерінен 9 мұғалім қатысты.
Нәтижесінде әділқазылар алқасының шешімімен Махамбет ауданынан қатысқан Талдыкөл орта мектебінің қазақ тілі мен әдебиеті пәнінің педагог-зерттеуші санатындағы мұғалімі Анар Ғазизова топтан суырылып шығып, І орын иеленді.
Өз тілшіміз
