Жалғансай орта мектебінде «Мұз тұру және сең жүру кезеңіндегі мұз үстіндегі қауіпсіздікті сақтау» тақырыбында жиын өтті.
Оған оқушыларымен қатар АӘД пәні мұғалімі С.Зұлхашев, психолог Г.Калиахматова, Махамбет аудандық төтенше жағдайлар бөлімінің инженері, азаматтық қорғау лейтенанты Р.Аманшаев, №11 өрт сөндіру бөлімінің радиотелефоншысы, азаматтық қорғау сержанты Г.Жұмағазиева, осы бөлімнің жүргізушісі, азаматтық қорғау қатарындағы Д.Бауыржанұлы қатысты.
Қауіпсіздік мақсатында өткен жиында аудандық ТЖБ инженері, азаматтық қорғау лейтенанты Рустам Аманшаев оқушыларды мұздағы қауіпсіздік, жағалауларға жалғыз бармау, ол жерде топ болып тұрмау жайын қозғап, оқыс жағдайлардың алдын алу шаралары, қауіпсіздікті сақтау ережелерімен таныстыра кетті. Оқушыларға тақырыпқа сай бейнероликтер көрсетіліп, көрсетілімге сай қатысушылар сұрақтар қойды.
Одан әрі №11 өрт сөндіру бөлімінің радиотелефоншысы, азаматтық қорғау сержанты Гүлбаршын Жұмағазиева өрт қауіпсіздігі, одан сақтану, алғашқы көмек түрлерін көрсетумен таныстыруы нанымды болды.
А.Қуанышқалиева
