Атырау облысына жұмыс сапары барысында Ұлттық экономика вице-министрі Бауыржан Омарбеков «Ауыл-Ел бесігі» жобасы іске асырылып жатқан елді мекендерге барды.

Махамбет ауылында ол 600 орындық мектеп-интернаттың құрылысымен танысты. Білім ұясы 2023 жылдың сәуір айында пайдалануға беріледі деп жоспарлануда. Жаңа мектепте футбол алаңы, баскетбол, волейбол, гимнастика және тенниске арналған спорт залдары салынады.

Айта кетейік, биыл Атырау облысының 30 ауылында 41 жобаны іске асыруға 11,2 млрд. теңгеден астам қаражат бөлінді.