Зорлық-зомбылық — қазіргі қоғамдағы ең өзекті әрі қауіпті әлеуметтік мәселелердің бірі. Ол адамның өмір сүру құқығын, қауіпсіздігін және ар-намысын таптайды. Қоғам дамыған сайын мұндай келеңсіз әрекеттерге төзбеушілік артып, онымен күресудің маңызы күшейе түсуде.
Зорлық-зомбылық физикалық күш қолдану ғана емес, сонымен қатар психологиялық қысым көрсету, қорқыту, кемсіту және еркіндігін шектеу сияқты әрекеттерді де қамтиды. Мұндай жағдайлар адамның психикалық күйіне ауыр соққы болып, ұзақ уақытқа дейін салдарын тигізуі мүмкін. Өкінішке қарай, кейбір адамдар зорлық-зомбылықты отбасылық мәселе немесе қалыпты жағдай ретінде қабылдайды, бұл оның алдын алуға кедергі келтіреді.
Бұл мәселені шешу үшін ең алдымен қоғамда құқықтық сауаттылықты арттыру қажет. Әрбір адам өз құқығын біліп, зорлық-зомбылыққа куә болған немесе жәбір көрген жағдайда тиісті органдарға жүгінуден қорықпауы тиіс. Сонымен қатар тәрбиенің, мәдениеттің және өзара сыйластықтың рөлі ерекше.
Зорлық-зомбылыққа қарсы күрес — мемлекет пен қоғамның ортақ міндеті. Адамгершілік құндылықтарды дәріптеу, мейірімділік пен жауапкершілікті арттыру арқылы ғана біз қауіпсіз әрі әділетті орта қалыптастыра аламыз.
Г.СӘДУАҚАСОВА
