Бұқаралық ақпарат қызметкерлері күні мерекесіне орай Махамбет ауданының әкімі Жәрдемғали Бахуұлы жергілікті «Жайық шұғыласы» газеті ұжымымен кездесу өткізді.
Емен-жарқын әңгімелесіп, ашық пікір алмасу бағытындағы бас қосуда аудан басшысы қазіргі жаһандық дәуірдегі толассыз тасқындаған ақпараттар кеңістігіндегі отандық БАҚ-ына қойылар талап пен жауапкершіліктің таразы басын тең ұстау жөніндегі өзінің ойларымен бөлісті. Бұл орайда, «Болашаққа бағдар: рухани жаңғыру» бағдарламасы, «Ұлы Даланың Жеті қыры», «Мәңгілік Ел» идеяларын насихаттаудағы баспасөздің рөліне айрықша тоқталды.
Өз кезегінде сөз алған аудандық «Жайық шұғыласы» газетінің бас редакторы Н.Ерғалиев журналистердің кәсіби мерекесіне орай осындай кездесу ұйымдастырған аудан әкімдігіне ризашылық сезімін білдірді.
Аудан әкімі Жәрдемғали Бахуұлы кездесуге қатысып отырған бір топ газет қызметкерлері мен «Қазақстан-Атырау» АҚ-ы Махамбет аудандық филиалының қызметкері М.Сабырғалиевке кәсіби мереке құрметіне орай "Алғыс хат" табыстады.
Н.Тельман
