«Nur Otan» партиясының аудандық филиалы жанындағы «Jas Otan» Жастар қанаты және арнайы жасақталған мобильді топ студенттердің өмір сүру деңгейінің сапасын арттыру, әлеуметтік-тұрмыстық жағдайларын қамтамасыз ету мақсатында Махамбет көпбейінді ауыл шаруашылығы колледжінің жатақханасына мониторинг жүргізді.

«Jas Otan» Жастар қанатының жетекшісі А.Қонысбаев пен аудандық мәслихат депутаты Ж.Дүйсембаев жүрг ізген мониторинг барысында жатақхананың санитарлық нормаларға, тұрмыстық жағдайларға сәйкес келмеу фактілері анықталды. Осы орайда санитарлық талаптарға сәйкес 450 орын бойынша әр бөлмеге орналасатын студенттің саны қысқартылып, қазіргі уақытта 127 студент толықтай орналасты.

Бір айта кетерлігі, жатақханада 2 медициналық пункт және оқшаулау бөлмелері жасақталған.

Сондай-ақ, 150 орындық жатақханада студенттерге арналған асхана, спорт алаңдары жабдықталған. Тексеріс барысында студенттер үшін қолжетімділігі зерделеніп,

кемшіліктер бойынша ескерту мен тиісті ұсыныстар айтылды.

Қ.АЙТҚАЛИЕВ