Аудандық қорғаныс істері жөніндегі бөлім бастығы, майор Е.Айтжанов мереке қарсаңында «Жайық шұғыласы» газеті редакциясына келіп, кәсіби мерекемен құттықтап, сый-сияпатын ұсынды.
Аудандық қорғаныс жөніндегі бөлім бастығы, майор Ербол Омарбекұлы көп жылдан бері жергілікті БАҚ-мен әріптестік тығыз байланыс орнатылғанын, өткен жылы республикалық байқауда жүлделі 3 - орын алғанын, бұл жетістіктерге «Жайық шұғыласы» газетінің қосқан үлесі зор екенін алға тартты. Ол айбынды армиямыздың ел алдындағы мәртебесін биіктету, қорғаныс саласының әлеуетін арттыру, келісім-шарт негізінде әскери қызметке шақыру, әскери оқу орындарына курсанттар қабылдау тәртібі жөнінде мақалалары жиі жарық көріп жатқанын тілге тиек етті.
Газеттің бас редакторы Н.Ерғалиевқа «Алғыс хат» тапсырып, шығармашылық табыстар тіледі. Өз кезегінде аудандық басылымның бас редакторы Н.Тельманұлы да мерекеде алғаш рет құттықтап келген бір топ әскери сала мамандарға алғыс айтты.
А.Қуанышқалиева
