Баршаңызды 8 наурыз – Халықаралық әйелдер күнімен құттықтаймын.
Әйел-ана –өмірдің өзегі, тіршіліктің күретамыры, ыстық ықылас пен ыждағаттың, пәктік пен тазалықтың қайнар көзі.
Ауылымыздың мерейінің үстем болуында Сіздердің еселі еңбектеріңіз бен қажырлы қайраттарыңыздың қарымды үлесі жатыр деп білемін. Олай болса, көктемнің осынау шуақты мерекесі көңілдеріңізді нұрға, жүректерді жырға бөлесін.
Асыл аналар, қырмызы қыз-келіншектер, әріптестер келіп жеткен мерекелеріңіз құтты болсын! Баршаларыңызға асыл армандар мен ізгі мұраттардың орындалуын, жан жадыратар қуаныштың мол болуын, бақыт пен берекесі сарқылмауын, денсаулықтың мұқалмауын тілеймін.
Әрқашан шаңырақ ажары, тіршіліктің базары болып жүре бергейсіздер. Сіздерге мына дүниедегі бар жақсылықты, бақыт пен шаттықты тілеймін. Мерекелеріңізбен!
Нұрғуат ДОСҚАЙЫРОВ,
Сарайшық ауылдық округінің әкімі
