Алмалы ауылының тұрғындары өзен жағасында құрылыс қалдықтарының арасынан құжаттарды қоқыстан тапты.
Құрылыс қалдықтары үйінділерінің пайда болу фактісі бойынша олардың арасында төлқұжаттар, жеке куәліктер, азаматтардың өтініштері, төлем құжаттары, табыстар және өзге де жеке басқа қатысты анықтамалар мен мекеменің ішкі құжаттары, мөрлері табылған. Бұл туралы Атырау облысы полиция департаментінен хабарлады.
"Құрылыс қалдықтарының орнын тексеру барысында барлық анықталған құжаттар Азаматтарға арналған үкімет мемлекеттік корпорациясының (ХҚКО) Атырау филиалына тиесілі мұрағаттық құжаттар болып табылған. Олардың арасында Мемлекеттік қызмет көрсету кезінде талап етілген қызметтік құжаттары мен азаматтардың жеке басын куәландыратын құжаттары бар екендігі расталды", делінген таратылған хабарламада.
Қазіргі уақытта тиісті заңды шараларды қолдану үшін аталған құрылыс қоқысын белгіленбеген жерге төккен автокөлік жүргізушісі және кінәлі лауазымды тұлғалар анықталуда.
