Махамбеттік тігіншілер тынымсыз еңбек етуде(видео)

Дәріханаларда медициналық маска атымен жоқ. Осы жағдайда аудандағы тігін шеберханасының тігіншілері көмекке келді.

m

Солардың бірі – «Ботагөз» тігін шеберханасы. Былтыр ғана іске қосылған нысанда негізінен көрпе-жастық тігілетін-ді, төтенше жағдайға байланысты барлық тапсырыстарды ысырып қойып, бірнеше реттік медициналық маска тігумен айналысып отыр екен.

Дания және Амангүл есімді тігіншілер күніне шамамен 50 данадан тігуде. ⠀ Бұл тігін шеберханасынан бөлек, «Ділдә», «Диана», «Балымжан» ательелері, «Рамазан», «Асыл Нұр» ЖК-лары да халыққа қызмет көрсетуден аянып қалмай отыр. Медициналық масканың бағалары – 100 бен 250 теңгенің аралығында.

t

«Асыл-Аида» сауда үйінде іс тігумен айналысып отырған дизайнер-тігінші Гаухар Сұлтанмұраттың айтуынша, Атырау облыстық дизайнер қауымдастығының ұйымдастырушылары тарапынан дизайнер-тігіншілерге маска тігу туралы ұсыныс түскен көрінеді. Содан келісімін беріп, іске кіріскен.

Маскалар тігілген бойда өтіп кетуде екен. ⠀

Маска іздеп сандалған ауыл тұрғындары осы тігін шеберханаларынан қолжетімді бағада сатып алуда.

Солардың бірі – ауыл тұрғыны Наурызбек Есенов.

«Осынау әлемді жаулаған індеттен сақтануға қажетті маскалар дәріханаларда жетіспеуде. Осындай тігін шеберханалар маскалар тігіп, сатуда. Олардың еңбектеріне табыс тілеймін. Еліміз аман болсын, түрлі аурулардан Құдай сақтасын»,- дейді ауыл тұрғыны.⠀

Қазбек АЙТҚАЛИЕВ

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика