Шалғай ауылдарды аралады.

Атырау облысы полиция департаментінің бастығы полиция полковнигі Қамза Үмбетқалиев жұмыс сапарымен Махамбет ауданы орталығынан ең шалғай орналасқан Ақжайық ауылдық округінде болып, жергілікті учаскелік инспектордың жұмыс жоспарын тексеріп, қызметімен танысты.Сондай-ақ, Ақжайық ауылдық округі әкіміне тәртіп сақшысымен тығыз байланыста атқарып отырған жұмысы үшін ризашылығын білдірді.

Сонымен қатар, жұмыс сапары барысында Махамбет ауданына қарасты Есбол, Ортақшыл, Алға, ауылдарында болып, ондағы жергілікті учаскелік инспекторлардың жұмысымен танысты.

Орталықтан шалғай орналасса да, ауылдық округтерде тұрғындардың полицейлермен тығыз байланысы үзілмеу қажеттілігін және қашанда қоғамдық тәртіпті қадағалауда учаскелік инспектор жұмысы жауапкершілікке толы екендігін атап өтті.