Махамбет ауданында мектептер штаттық кестеге сай дәстүрлі оқуға көшуде.
Білім бөлімінің әдістемелік кабинет меңгерушісі В.ҚАБЫШЕВА:
-Енді 9-11 сыныптар штаттық кестеге сай 70 пайыз дәстүрлі оқуға көшті. Аудан бойынша 1-5 сыныптарда 1424 оқушы, 9 сыныптарда 325 оқушы бар. Сонымен қатар 11 сыныпта 179 бала білім алуда. ІІ тоқсан басталғалы 1-5 сыныптар дәстүрлі оқуға көшті. Жалпы 1-11 сыныптарда 5586 оқушы оқыса, 9-11 сыныптар да оффлайн форматқа көшіп, 1956 оқушы мектепке барып, дәстүрлі оқуды бастады. Ал қалған 3630 оқушы бұрынғыша онлайн режимінде оқи бермек. Сондай-ақ Еңбекшіл негізгі мектебі штаттық режимінде оқу үстінде, - деді ол.
Айта кету керек, жалпы білім беретін мектептерден бөлек техникалық және кәсіби білім беру ұйымдарының, жоғары оқу орындарының І курс студенттері де штаттық режижде білім алуға ауысты. Кеселдің әлі де көпті әуре-сарсаңға түсіріп, алқымнан алып тұрған шақтың өзінде енгізілген білім саласындағы жағымды жаңалықты халық жақсылыққа балауда. Десе де ұрпақ денсаулығы мен өмірі ең маңызды болып қала бермек.
А.ҚУАНЫШҚАЛИЕВА
Сурет:редакция мұрағатынан алынды
