Алғашқы 3D кинотеатр Индер ауданында ашылды

"INDERBOR CINEMA". Осындай атаумен ауданда тұңғыш рет 3D форматтағы кинотеатр ашылды - деп, хабарлайды Атырау облысының өңірлік коммуникациялар қызметі.

Жастар жылы аясында қолға алынған бұл шара - Индер ауданы әкімдігі мен "Меломан" компаниясының бірлескен жобасы болып табылады. "Жастар орталығы" ғимаратында орналасқан кинотеатрдың сыйымдылығы 200 адам. Бастысы, 3D форматтағы заманауи, лазерлі экран сапалы құрылғылармен жасақталған.

Аудан әкімі Мейірім Қалауи сөз кезегінде ауыл жастарының болашағы үшін атқарылып жатқан істерді тілге тиек етіп, жиналған жұртшылыққа ақжарма тілегін жолдады

- Елбасы мен Мемлекет басшысының мемлекеттік саясатына сәйкес ел азаматтарының қолайлы, жайлы өмір сүруіне мүмкіндік жасалу қажет.

inder1

Ауыл тұрғындарына арналған аудан орталығында алғашқы кинотеатрдың ашылуы осы саясаттың нәтижесі. Бұл игі істерге бастамашыл болып, бар мүмкіндік туғызғаны үшін облыс әкімі Нұрлан Асқарұлына ерекше алғысымызды білдіреміз - деді, аудан әкімі Мейірім Қалауи.

Кинотеатрдың ашылуына ауыл жастары ғана емес, ауданның басқада тұрғындары қуануда.

inder2

Жиналған аудан халқы тұсаукесер рәсімінен соң, кинотеатрдың алғашқы көрсетілімі Ақан Сатаевтың "Томирис" кинофильмін тамашалады.

inder3

Енді, олар алдағы уақытта республиканың барлық аймағында көрсетілетін танымал фильмдерді облыс орталықтарындағы кинотеатрлармен қатар көре алады.

Өңірлік коммуникация қызметі

Сурет:ӨҚК

ФОТОГАЛЕРЕЯ

Біріңғай мемлекеттік байланыс

Aqprint

Байланыс номерi :     +7 702 132 03 32      +77122458521