Жылыой ауданында 1,5 жылдан бері жергілікті тұрғындарды жаңа ет өнімдерімен қамтамасыз ететін дүкен жұмыс істеп келеді. Оны жергілікті кәсіпкер Мейрамбай Тагашев ашты — ол «Таңдау» бизнес-идеялар конкурсының жеңімпазы.
Жоба арқылы ол 4,5 миллион теңге алды. Осы қаражатқа тоңазытқыш камера, ет кесу арасы және вакуумдық аппарат сатып алды.
— Бұл дүкен мен үшін жай бизнес емес, тұрғындарға сапалы халяль ет ұсыну және жаңа жұмыс орындарын құру мүмкіндігі, — дейді Мейрамбай Тагашев. — «Таңдау» жобасының қолдауына ризамын және бұл біздің жолымыздың тек бастамасы деп сенемін.
«Таңдау» жобасы Атырау облысы, Жылыой ауданында Еуразия Орталық Азия Қоры (ФЕЦА) арқылы, «Тенгизшевройл» ЖШС қолдауымен жүзеге асырылады. Жоба қатысушыларға тек кәсіпкерлікті үйретіп қана қоймай, бизнесті дамыту немесе кеңейту үшін пайызсыз қайтарымды несие алуға мүмкіндік береді.
Соңғы екі жылда жобада 105 адам қатысып, олардың 44-і жалпы сомасы 155 млн теңге қаржыландыру алды.
— Шағын бизнестің дамуы — бүкіл ауданның дамуы. «Таңдау» кәсіпкерлерге тек жаңа нысандар ашуға ғана емес, тұрғындар үшін жұмыс орындарын құруға да көмектеседі, — дейді Орталық Азияның Еуразия Қоры бағдарламаларының директоры Айгүл Тагатова.
Айта кетерлік жайт, жеңімпаздардың 57%-ы — әйелдер. Олардың көпшілігі алғаш рет өз ісін ашты: кафе, ателье, медициналық кабинет, фермерлік шаруашылық. Осылайша аудан жаңа кәсіпкерлер буынын қалыптастырып, олар жұмыс орындарын құрып, экономикалық дамуға үлес қосуда.
