Махамбет ауданында коронавирустың тіркелгені жалған болып шықты

Күні кеше әлеуметтік желіде Махамбет ауданында шет елден коронавирус жұқтырып келген студент жұқпалы аурулар ауруханасында емделіп жатқаны туралы хабарлама тараған.

Осы жалған ақпаратты бір әйел әлеуметтік желіге таратып үлгереді. Бірнеше сағаттан кейін әлгі әйел ақпараттың жалғандығын айтып, жұртшылықтан кешірім сұрады.

Осы ақпараттың анық-қанығын анықтау мақсатында аудандық орталық аурухананың басшысы Базарбай Айташевқа хабарласқан болатынбыз.

Оның айтуынша, «Шенген аймағы коронавирус инфекциясының таралуы бойынша қолайсыз елдер қатарына жатуына байланысты, яғни сол мемлекеттерден келген адамдар үй карантинінде 14 күн болады. Польшадан келген студент жедел респираторлы ауыруы (ОРЗ)болуына байланысты, қолайсыз аймақтан келген соң, сақтық ретінде коронавирусты инфекцияға күдікті деп ауруханаға жатқызылып, сынама алынды, коронавирус анықталған жоқ.

Стационарлық ем алып жатырған науқастың диагнозы жедел фарингит, (ОРВИ). Жағдайы калыпты, емін алгоритм бойынша жалғастырады, 14 күнге дейін мамандардың бақылауында болады».

«Жайық-Ақпарат»

ФОТОГАЛЕРЕЯ

Біріңғай мемлекеттік байланыс

Aqprint

Байланыс номерi :     +7 702 132 03 32      +77122458521