Атыраудағы төртінші науқас “Стамбул – Атырау” бағытындағы рейспен келген. Осыдан екі күн бұрын Түркиядан келген жолаушы 31 жастағы әйел адам болып шықты.Бұл туралы Атырау облыстық денсаулық сақтау басқармасы таратқан ресми мәліметіне сілтеме жасай отырып Atr.kz хабарлады.
“Қазіргі таңда науқас толық оқшауланды. Ол №2 Атырау облыстық ауруханасында ем алып жатыр. Арнайы рейспен әкелінген өзге де 62 жолаушы мен экипаж мүшелері 14 күн бойына карантинде болады. Коронавирусқа жасалған тест теріс нәтиже көрсетті” делінген Атырау облыстық денсаулық сақтау басқармасы таратқан ресми мәліметте.
