ads_hero

ММА Казақстандағы ресми спорт түрлері қатарына кірді

Әуесқой және кәсіби ММА (аралас жекпе-жек) Қазақстанда ресми спорт түрі мәртебесіне ие болды.

Бұл шешімді ағымдағы жылдың тамыз айында ҚР Мәдениет және спорт министрлігі қабылдады. Қазақстандық ММА біріккен федерациясы шетелдік және отандық promotion-мен ынтымақтастықты бастады.

"Біз осыған дейін Қазақстанда M-1 Global бірлескен турнирін өткізіп келеміз. Сонымен қатар, отандық түрлі promotion-мен бірлесіп түрлі іс-шаралар өткізудеміз. Бірқатар қазақстандық кәсіпқой спортшылар Арман Әшімов, Асу Алмабаев, Жұман Жұмабеков және Абылайхан Кадыржан секілді спортшыларға қолдау көрсету үстіндеміз", - дейді қазақстандық ММА біріккен федерациясының бас директоры Валихан Тен.

Еске сала кетсек, Қазақстандық ММА Федерациясы өткен жылдың соңында өз жұмысын бастады. Аталған ұйымды белгілі кәсіпкер Ғалымжан Есенов басқарады.

"Осы 9 ай ішінде біз 32 спортшыдан құралған құрама жинап, бапкерлер құрамын бекіттік. Біздің спортшылар мамыр айында Азия чемпионатына қатысып, командалық есепте бірінші орын иеленіп, 20 – дан астам медаль алып келді. Қазақстан тарихында тұңғыш рет ММА әлемдік рейтингін басқарды", - деді Валихан.

Аз ғана уақыт ішінде біріккен федерация Қазақстан аумағында 4 ірі турнир өткізді. Жыл соңына дейін M – 1 Challenge 105 халықаралық турнирін, ММА-дан Қазақстан Кубогын өткізу, сондай-ақ Бахрейндегі әлем чемпионатына құрама жасақтауды жоспарлап отыр.

"Әуесқой аралас жекпе-жек 2013 жылы спорт түрі ретінде танылған болатын. Ал қазіргі таңда кәсіби ММА-ның ресми спорт түрі ретінде тіркелгені қуантарлық жағдай. Енді алдағы уақытта ұйымдастырылатын барлық жекпе-жек ММА біріккен қазақстандық Федерациясының қамқорлығымен өтетін болады. Алдағы уақытта Олимпиадалық спорт түрлері қатарына кірулері де ғажап емес",– дейді Қазақстан Мәдениет және спорт министрлігі Спорт комитетінің төрағасы Серік Сәпиев.

"Аралас жекпе-жек федерациясы" РҚБ 2013 жылы құрылды. Қазақстандық аралас жекпе-жек федерациясы (ММА) өз қызметін 2018 жылдың желтоқсанында бастады.

Миссиясы: ММА дамыту және танымал ету, халықаралық аренада ұлттық құраманың рейтингін арттыру.

BAQ.KZ

Сурет:дереккөз

Жарнама

banerkzleft

Фотогалерея

Күнтізбе

Редакция

 
Cүйеуова Баян- бас редактор

Cүйеуова Баян
- "Жайық Шұғыласы" газетінің бас редакторы

Сапарова Балнұр

Сапарова Балнұр - бас редактордың орынбасары -жауапты хатшы

Сатаева Айнұр-ІІ снатты маман

Сатаева Айнұр
- ІІ санатты маман

Майбасова Кенжегүл-сайтқа жауапты редактор

Майбасова Кенжегүл
- сайтқа жауапты редактор

Қисина Гулфара-бет құрушы

Қисина Гулфара
- бет құрушы

Aqprint

Байланыс номерi :     +7 701 666 27 49     +7(7122) 45-85-21

ads_hero