Жақында Е.Ағелеуов атындағы орта мектебі базасында 2003-2004 жылы туылған жасөспірім ұл-қыздар арасында асық ойынынан аудандық жарыс өтті.

Жарысқа 7 команда қатысып, өзара бақ сынасты. Жарыс қорытындысында асық атудан ұлдар арасында жүлделі I орынды Қ.Қалыбеков мектебі алса, II орынды Жалғансай мектебі, III орын Е.Ағелеуов орта мектебіне бұйырды.

Ал қыздар арасында "Бестастан" I орынды Қ.Ахмедияров мектебі, II орынды Е.Ағелеуов мектебі, жүлделі III орынды Қ.Қалыбеков мектебі иемденді.

Ал жалпы командалық есеппен жүлделі I орынды Қ.Қалыбеков орта мектебі, II орынды Е.Ағелеуов орта мектебі, III орынды Жалғансай мектебінің командасы жеңіс тұғырынан көрінді.

Барлық жарыс жеңімпаздары аудандық дене шынықтыру және спорт бөлімінің кубок, медаль, дипломдарымен марапатталды.

К.САПАР