Аудандық сотта 2020 жылдың 31 қаңтарында ашық есік күні өткізілді.

Татуласу орталығында шараға келген азаматтарды сот судьясы Сарсен Амантаев қабылдады.

Ашық есік күнін ұйымдастырудағы басты мақсат- халыққа құқықтық көмек көрсету, құқықтық мәдениетті арттыру, адамдар арасындағы бітімгерлік институтын көпшілікке түсіндіру еді.

Келген азаматтардың мәселелері әртүрлі болды, оның ішінде қарыз ақша, алимент, неке және отбасына қатысты, тағы басқа сұрақтар болды.

Судья С.Амантаев шараға келген азаматтарға Мемлекет басшысының 2019 жылғы 2 қыркүйектегі халыққа Жолдауын кеңінен насихаттап, сот жүйесіне енгізілген пилоттық жобаларды, сот жүйесіндегі ақпараттық технологияларды, сотта және сотқа дейін татуласудың артықшылықтарын кеңінен айтты.

Махамбет аудандық сотының баспасөз қызметі