«Нұр Отан» партиясы Махамбет аудандық филиалы «Ардагерлерді ардақтайық!» партиялық жобасын қолға алған болатын.

Бұл жобаның мақсаты — әлеуметтік жағдайы төмен отбасыларға қол ұшын беру. Жоба аясында ауданымыздың тұрғыны Жұмабаева Батиха анамызға демеушілік арқылы мүгедек жандарға арналған арба табыс етілді. Батиха анамыз 1928 жылы Аққайың (Сорочинко) ауылында дүниеге келген. Медицина саласында 30 жыл аянбай еңбек етіп, зейнеткерлікке шыққан. Ұлы Отан соғысының ардагері Смадияров Бисен ағамызбен шаңырақ көтеріп, 1 қыз, 1 ұл тәрбиелеп өсірген. Бүгінгі күні ұл-қызынан 6 немере-жиен, 2 шөбере сүйіп отырған 90 жастағы бақытты әже.

Б.СҮЙЕУОВА.