Қазіргі уақыт зымыраған мына заманда «шаршауды басатын», «ми жұмысын жақсартатын» және «энергия беретін» сусындар трендке айналды. Әсіресе, жастар мен студенттер арасында танымал бұл өнімдер сырттай зиянсыз көрінгенімен, оның астарында ағзаға төнетін үлкен қауіп жатыр.
Энергетикалық сусындар ағзаға сырттан күш бермейді. Олар тек денедегі жиналып тұрған ішкі резервтерді аяусыз пайдалануға мәжбүрлейді. Құрамындағы кофеин мен тауриннің жоғары дозасы жүйке жүйесін қамшылап, адамды жасанды сергектік күйіне түсіреді. Алайда бұл әсер таусылғанда, адам бұрынғыдан бетер депрессиялық күйге түсуі мүмкін.
Энергетикалық сусын ішу — бұл ертеңгі күннің энергиясын бүгін қарызға алу. Бірақ ол қарызды ағзаңыз өз денсаулығымен қайтарады. Табиғи сергектіктің ең жақсы көзі — дұрыс ұйқы, теңгерімді тамақтану және таза ауа.
Ешқандай «сиқырлы» сусын адамның ішкі мүшелеріне келген зардапты толтыра алмайды. Өз өміріңізге жауапкершілікпен қарау — нағыз саналылықтың белгісі.
Л.Фазилова
