«Таза Қазақстан» республикалық экологиялық акциясы аясында Махамбет аудандық Жастар ресурстық орталығының ұйымдастыруымен «UpgradeMakhambet» акциясы өтті.
Акция барысында аудан аумағындағы тарихи-мәдени маңызы бар мүсіндер мен ескерткіштердің айналасы тазартылып, күтіп-баптау жұмыстары жүргізілді. Жастар қоғамдық орындардың тазалығын сақтауға белсенді атсалысып, тарихи мұраларға құрмет көрсетті.
Мұндай игі бастамалар қоршаған ортаның тазалығын сақтауға, тарихи-мәдени нысандарды күтіп ұстауға және жастардың экологиялық жауапкершілігін арттыруға ықпал етеді.
