Бүгін таңғы 07:00-де №219 сайлау учаскесі өз жұмысын бастады. Сайлау төрағасы Неталиева Гүлзада Қорғанбайқызы ұжымымен бірлесе отырып, сайлау процесін үлкен жауапкершілікпен ұйымдастырып отыр. Ұжымның әр мүшесі өз міндетін абыроймен атқарып, сайлаушыларға ыңғайлы жағдай жасауға тырысуда.
Осы учаскеде жалпы 1 562 сайлаушы тіркелген. Олардың ішінде 7 адам үйден дауыс береді – бұл қарт азаматтар денсаулық жағдайына байланысты келуге мүмкіндігі жоқ. Сонымен қатар, 1 сайлаушы Махамбет аудандық тергеу изоляторынан дауыс беретін болады. Бұл жағдай сайлау процесінің әр азаматқа қолжетімді әрі әділ өтуін көрсетеді.
Сайлау учаскесінде санитарлық талаптар толық сақталған. Әрбір келуші үшін арнайы орындар дайындалған, ал сайлау материалы қауіпсіз түрде сақталады. Сонымен қатар, учаске қызметкерлері келушілерге дауыс беру тәртібі мен рәсімдерін түсіндіріп, барлық сұрақтарына жауап беруде.
Қала тұрғындары мен ауыл тұрғындары арасында сайлауға деген қызығушылық жоғары. Көпшілік өз құқығын пайдаланып, еліміздің болашағына өз үлесін қосуға асығып келеді. Үйден дауыс беретін қарттар мен арнайы мекемелерден келетін сайлаушыларға көрсетіліп жатқан қамқорлық – сайлау процесінің ашық әрі әділ өтуінің дәлелі.
Сайлау учаскесіндегі жұмыс үйлесімді ұйымдастырылған, сайлау процесі әділ және сенімді өтетініне сенім мол. Әрбір сайлаушы өз таңдауын бейбіт жағдайда жасап, елдің болашағына өз даусымен үлес қосады.
#МенДауысБердім #ЕлімҮшінТаңдау #РеферендумғаБардым
Ш.Төлегенова
