Есірткі – адам өмірін ғана емес, тұтас қоғамның болашағын құрдымға жетелейтін қауіпті дерт. Ол адамның денсаулығын әлсіретіп қана қоймай, санасын улап, отбасының берекесін кетіреді. Әсіресе жастардың зиянды әдетке әуестенуі – алаңдатарлық мәселе.
Бүгінде есірткіге қарсы күрес – мемлекет үшін маңызды бағыттардың бірі. Құқық қорғау органдары заңсыз айналымның жолын кесіп, түсіндіру жұмыстарын тұрақты жүргізуде. Дегенмен, бұл індетпен күресте қоғамның да жауапкершілігі зор. Себебі ұрпақ тәрбиесі ең алдымен отбасыдан басталады.
Жастардың бос уақытын тиімді ұйымдастыру, спорт пен білімге қызығушылығын арттыру – зиянды әдеттердің алдын алудың ең тиімді жолы. Әр ата-ана баласының ортасына, тәрбиесіне бейжай қарамауы керек.
Салауатты өмір салтын ұстанған қоғамның болашағы да жарқын болады. Сондықтан есірткіге қарсы күрес – тек құқық қорғау органдарының емес, барша қоғамның ортақ міндеті.
