Халқымызда "Әке - асқар тау, ана - бұлақ, бала - жағасындағы құрақ" деген тамаша тәмсіл бар.
Осыдан үш жыл бұрын ел Үкіметінің қаулысымен маусым айының үшінші жексенбісі "Әкелер күні" ретінде белгіленген болатын.
Әкелер күнін атап өту бұл - отбасылық құндылықтарды ілгерілетуге, шаңырақты нығайтуға, сондай-ақ әкелер институтын дамытуға ықпал етеді. Әкелер күнін атап өту әлем елдерінде әдетке айналған.
Әке – отбасының тірегі, балаға қорған, өмір жолының шамшырағы. Оның қамқорлығы мен парасаты – әр баланың болашағына бағыт беретін темірқазық.
Ұрпағына тәрбие мен тәлім берген, ерлік пен еңбекке баулыған әрбір әке құрметке лайық.
Әкелеріміздің шексіз қолдаулары мен қамқорлығы үшін әркез алғыс айтып жүруді ұмытпайық!
