25-ақпан мен 4-наурыз аралығында қоғамдық тәртіпті тиісінше қолдау, заңсыз көші-қонды ескерту, жолын кесу, сондай-ақ шетелдіктер мен азаматтығы жоқ адамдардың Қазақстан Республикасында болу тәртібінің қағидаларын бұзуды анықтау мақсатында облыс көлемінде «Мигрант» жедел профилактикалық іс шарасы өткізілуде.
Тәртіп сақшылары шетелдіктердің өңір аумағына келуін, олардың шетелдік азаматтардың құқықтық жағдайы туралы заңнама талаптарын сақтауын бақылайды, ішкі істер органдарында уақытылы тіркелмеген заңсыз көшіп-қонушыларды анықтауға рейдтік іс-шара жүргізілуде.
