Сыбайлас жемқорлық – қоғамның дамуына кедергі келтіріп, азаматтардың мемлекетке деген сеніміне кері әсер ететін келеңсіз құбылыс. Сондықтан оның алдын алу және оған қарсы мәдениетті қалыптастыру – баршамызға ортақ міндет.
Махамбет ауданында сыбайлас жемқорлыққа қарсы іс-қимыл бағытында жүйелі жұмыстар жүргізілуде. Мемлекеттік органдардың қызметінде заңдылықты сақтау, ашықтық пен жариялылықты қамтамасыз ету, сыбайлас жемқорлық тәуекелдерін анықтау және олардың алдын алу мәселелеріне ерекше мән беріледі.
Мемлекеттік қызметшілердің адалдығы мен жауапкершілігі – халық сенімінің негізгі кепілі. Әрбір мемлекеттік қызметші өз міндетін абыроймен атқарып, азаматтардың құқықтары мен заңды мүдделерін құрметтеуі тиіс.
Сонымен қатар, сыбайлас жемқорлықпен күрес тек мемлекеттік органдардың міндеті емес. Қоғамның әрбір мүшесі заң талаптарын сақтап, парақорлыққа және өзге де заңсыз әрекеттерге жол бермеуге үлес қосуы қажет.
Біздің ортақ мақсатымыз – заң үстемдігі орныққан, ашықтық пен адалдықты бағалайтын қоғам қалыптастыру.
Адалдық пен әділдік – сыбайлас жемқорлыққа қарсы күрестің берік негізі.
Қ.НҰРЛЫБАЕВ,
Махамбет ауданының әкімі
