Құрылтай сайлауына санаулы күндер қалды. 23 тамызда өтетін дауыс беруге дайындық барысында азаматтарға өз сайлау учаскесінің нөмірі мен мекенжайын алдын ала анықтап алу ұсынылады.
Сайлау учаскесі туралы ақпаратты eGov Mobile қосымшасындағы «Танымал қызметтер» бөлімінен білуге болады. Қосымшада «Құрылтай-2026» арнайы бөлімі іске қосылып, онда сайлау учаскесінің мекенжайы мен нөмірі, сайлаушы туралы мәліметтер және сайлауға қатысты өзге де ақпараттар қолжетімді.
Сондай-ақ учаскеңізді мына онлайн сервистер арқылы анықтауға болады:
* gov.kz/sailau
* sailau.gov.kz
* sailau2026.gov.kz
Ол үшін өз өңіріңізді таңдап, ЖСН енгізу жеткілікті.
Егер сайлау күні тұрғылықты жеріңізден тыс жерде болатын болсаңыз, тұрақты тіркелген жеріңіздегі учаскелік сайлау комиссиясынан есептен шығару куәлігін алуға болады. Ол үшін 22 тамыз сағат 18:00-ге дейін өтініш беру қажет.
Айта кетейік, Құрылтай сайлауында еліміз бойынша 10 мыңнан астам сайлау учаскесі жұмыс істейді.
Азаматтарға дауыс беру күніне дейін өз сайлау учаскесі туралы ақпаратты тексеріп, сайлауға алдын ала дайындалу ұсынылады.
