Ауданның ажарын ашып, ауаның тазалығын сақтауда көгалдандырудың маңызы зор. «Таза Қазақстан» бастамасы аясында қолға алынған ағаш отырғызу және абаттандыру жұмыстары елді мекендердің көркін өзгертіп келеді.
Ағаш отырғызу – бүгінгі күннің ғана емес, келешектің қамы. Бір талдың көлеңкесі мен пайдасын бірнеше жылдан кейінгі ұрпақ көреді. Сондықтан бұл іске тұрғындардың, жастардың және еңбек ұжымдарының белсенді қатысуы ерекше мәнге ие.
Көшелерге, аулаларға және қоғамдық орындарға егілген көшеттер ауданның экологиялық жағдайын жақсартуға мүмкіндік береді. Сонымен қатар балалар мен жастар табиғатты аялаудың маңызын іс жүзінде түсінеді.
Жасыл желек көбейген сайын елді мекеннің көрінісі де өзгереді. Табиғатты қорғау – үлкен сөзден емес, жерге бір тал көшет отырғызудан басталады.
Г.Сәдуақас
