Қоғамның дамуы мен елдің тұрақтылығы ең алдымен заңның үстемдігіне байланысты. Заңға құрметпен қарау – әрбір азаматтың міндеті әрі жауапкершілігі. Заң талаптары сақталған жерде тәртіп орнап, адамдардың құқықтары қорғалады.
Бүгінде құқықтық мәдениетті қалыптастыру мәселесі ерекше маңызға ие. Әсіресе, жас ұрпаққа заңды құрметтеудің мәнін түсіндіру қажет. Заңды білу ғана емес, оны орындау да маңызды. Әрбір азамат өз іс-әрекетінің қоғамға әсерін түсініп, жауапкершілікпен қарауы тиіс. Сонда ғана құқық бұзушылықтың алдын алып, қауіпсіз орта қалыптастыра аламыз.
Заңға бағыну – өркениетті қоғамның белгісі. Сондықтан әр адам заң талаптарын сақтап, қоғамдық тәртіпті нығайтуға өз үлесін қосуы керек. Заңға құрмет – ел болашағына деген құрмет.
