Қазіргі таңда қоғамдағы тыныштық пен қауіпсіздік әр адамның заңды құрметтеуінен басталады. Заң – елдегі тәртіп пен әділдіктің негізі. Егер әр азамат өз құқығын біліп, міндетін дұрыс атқарса, қоғамда тұрақтылық орнайды. Сондықтан заңға бағыну – тек талап емес, ол мәдениет пен жауапкершіліктің белгісі.
Бүгінде елімізде құқықтық тәртіпті нығайтуға ерекше көңіл бөлінуде. Түрлі түсіндіру жұмыстары жүргізіліп, жастар арасында құқықтық сауаттылықты арттыру мақсатында іс-шаралар ұйымдастырылып келеді. Бұл – болашақта қылмыстың азаюына және әділетті қоғам қалыптасуына әсер ететін маңызды қадам. Әсіресе жастардың тәртіпті болып өсуі – ел болашағы үшін аса қажет.
Заңды сыйлаған адам – өз елін сыйлаған адам. Тәртіп пен жауапкершілік бар жерде береке де болады. Сондықтан әрқайсымыз заңға құрметпен қарап, қоғам тыныштығын сақтауға үлес қосуымыз керек.
